Madaniyat saroyida “Universitetning eng yaxshi pedagogi” ko‘rik-tanlovining yakuniy bosqichi bo‘lib o‘tdi.
Tanlovni o‘tkazishdan maqsad oliy ta'lim
tizimidagi pedagog xodimlar orasidan ilg‘or, tashabbuskor, ijodkor,
iste'dodlilarini aniqlash, yoshlarni barkamol shaxslar etib
tarbiyalayotgan, o‘quv jarayonida zamonaviy axborot-kommunikatsiya va
pedagogik texnologiyalarni samarali qo‘llayotgan pedagoglarning ijodiy
faolligini oshirish, fan yo‘nalishlarida fidoiy, yuksak kasb mahoratiga
ega bo‘lgan eng yaxshi pedagoglarni aniqlash, aniqlangan ilg‘or
tajribalarni ommalashtirish va targ‘ib etishdan iborat.
Tanlovning “Mutaxassisligi bo‘yicha eng yaxshi
pedagog” nominatsiyasida Shahlo Ergasheva (Iqtisod sohasi), Nozima
Zufarova (Kompyuter texnologiyalari va informatika sohasi), Nargiza
Olimxo‘jayeva (Xizmat ko‘rsatish sohasi) va Ra'nojon Abdullayeva
(Pedagogika sohasi) g‘oliblikni qo‘lga kiritdilar.
“Eng
yaxshi pedagog-tadqiqotchi” nominatsiyasida Dilorom Mutalova (Iqtisod
sohasi), Rabim Fayziyev (Kompyuter texnologiyalari va informatika
sohasi), Baxtiyor Ishmuxamedov (Xizmat ko‘rsatish sohasi), Toji Norov
(Pedagogika sohasi) muvaffaqiyatga yurishdilar.
“Innovatsiya va axborot texnologiyalarini
qo‘llaydigan eng yaxshi pedagog” nominatsiyasida esa Saida Abdurahimova
(Iqtisod sohasi), Fotima Abdurahmonova (Kompyuter texnologiyalari va
informatika sohasi), Ma'rufjon Tariqulov (Xizmat ko‘rsatish sohasi),
yelena Kim (Pedagogika sohasi) sovrinli o‘rinlarni qo‘lga kiritdilar.
O‘qituvchi – bu go‘zallik va insoniylik sohibi.
Bu oliyjanob, sharafli kasb egalari haqida qanchadan-qancha
donishmandlar o‘zlarining eng yaxshi ezgu-tilak, istaklarini yozib
qoldirmagan deysiz. Demak, avlod bor ekan, unga ta'lim va tarbiya
beradigan mehri daryo, bag‘ri keng inson – o‘qituvchi bo‘lishi tabiiy.
O‘qituvchi aql-zakovatidan, mehr-muhabbatidan bahramand bo‘lmagan
insonning o‘zi bo‘lmasa kerak. O‘qituvchi har qanday jamiyat
taraqqiyotini harakatga keltiruvchi favqulodda kuch bo‘lib, uning
mamlakat yuksalishidagi o‘rni va roli beqiyos. O‘qituvchining bilimi,
salohiyati va pedagogik mahorati jamiyat rivojining kafolatidir.
O‘ylaymizki ushbu tanlov o‘z kasbining ustasi bo‘lgan pedagoglarni
aniqlash va ularning yutuqlarini ommalashtirishga xizmat qiladi.
Taqdirlash tadbirida g‘oliblarga diplom va esdalik sovg‘alari tantanali tarzda topshirildi.
Комментарии
Отправить комментарий