Menejment fakulteti tomonidan “Universitetning eng yaxshi pedagogi” ko‘rik-tanlovining fakultet bosqichi o‘tkazildi.
Ishtirokchilar “Iqtisod” va “Gumanitar fanlar”
ta'lim sohalari bo‘yicha “Mutaxassisligi bo‘yicha eng yaxshi pedagog”,
“Eng yaxshi pedagog-tadqiqotchi”, “Innovatsiya va axborot
texnologiyalarini qo‘llaydigan eng yaxshi pedagog” nominatsiyalari
bo‘yicha o‘zaro bahs olib bordilar.
Tanlovda jami 8 nafar professor-o‘qituvchilar
ishtirok etishdi. Ular “Pedagogik konsepsiya” shartida pedagogik
konsepsiyalari, ya'ni zamonaviy ta'lim taraqqiyotiga mos ravishda o‘quv
faoliyatiga tayyorgarligi, ta'limda umuminsoniy g‘oyalarning targ‘ib
qilinganligini taqdimot qilib berishdi.
Qizg‘in bahslarga boy bo‘lgan tanlovda
“Mutaxassisligi bo‘yicha eng yaxshi pedagog” nominatsiyasi bo‘yicha o‘z
ta'lim sohalari bo‘yicha Menejment kafedrasi katta o‘qituvchisi Munira
Azlarova, “Eng yaxshi pedagog-tadqiqotchi” nominatsiyasi bo‘yicha
“Kadrlar menejmenti” kafedrasi assistenti Ixtiyor Danabaev va
“O‘zbekistonda demokratik jamiyat qurish nazariyasi va amaliyoti”
kafedrasi katta o‘qituvchisi Toji Norov, “Innovatsiya va axborot
texnologiyalarini qo‘llaydigan eng yaxshi pedagog” nominatsiyasi
bo‘yicha “Menejment” kafedrasi dotsenti Gulbahor Xodjamurotova va
“O‘zbekistonda demokratik jamiyat qurish nazariyasi va amaliyoti”
kafedrasi katta o‘qituvchisi Gulchexra Xoshimova g‘oliblikni qo‘lga
kiritdilar.
Tanlovning fakultet bosqichi komissiyasi
xulosasiga ko‘ra, g‘oliblar universitet bosqichiga yo‘llanma oldilar.
G‘oliblarga va faol ishtirok etgan professor-o‘qituvchilarga Faxriy
yorliqlar va esdalik sovg‘alari topshirildi.
Комментарии
Отправить комментарий